Die Versteekte Impak van Lewerslak op Entstofdoeltreffendheid

Inenting is 'n hoeksteen van veebestuur, veral vir hoogs aansteeklike toestande soos Bek-en-Klouseer (BKS).  Lewerslak (Fasciola hepatica), kan 'n versteekte bedreiging inhou wat  stilweg jou kudde se immuunrespons saboteer. Benewens die fisiese skade wat dit aan die lewer veroorsaak, dien lewerslakke as kragtige immuunreguleerders wat die gasheer se immuunstelsel verander en die doeltreffendheid van inentingsprogramme beduidend benadeel.

Wanneer entstofsukses geëvalueer word, kan standaard bloedtoetse hoogs misleidend wees. Navorsing toon dat totale BKSV-spesifieke teenliggaamtiters dikwels normaal voorkom by beeste wat met lewerslak besmet is. Aangesien die totale hoeveelheid teenliggaampies onveranderd bly, kan boere en veeartse in 'n valse gevoel van veiligheid gesus word.

'n Aktiewe F. hepatica-infeksie benadeel egter die kwaliteit van hierdie teenliggaampies ernstig. Die infeksie veroorsaak spesifiek 'n merkbare afname in die kritieke anti-BKSV IgG1-teenliggaampies binne die eerste 28 dae van infeksie, wat beteken dat die geproduseerde teenliggaampies 'n baie swakker bindingsterkte het en nie die virus doeltreffend kan neutraliseer nie. Gevolglik kan roetine serologie die werklike beskermende kapasiteit van die entstof in jou kudde ernstig oorskat¹.

Hierdie immuunonderdrukking word waargeneem oor verskeie veespesies heen:

• Beeste: Aktiewe lewerslakinfeksies, veral in die kritieke tydperk tussen die primêre inenting en die skraagdosis, benadeel die teenliggaam-kwaliteit ernstig¹.
• Waterbuffels: Buffels, wat dikwels in moerasagtige omgewings voorkom wat bevorderlik is vir swaar parasietbesmetting, ervaar 'n ~50%-vermindering in virus-neutraliserende teenliggaamtiters, 'n ~38%-afname in funksionele teenliggaam-aktiwiteit, en 'n 36%-daling in totale IgG-vlakke².

’n Gesonde lewer is noodsaaklik om 'n behoorlike en voldoende immuunrespons te begin. Die lewer filtreer nie net patogene nie, maar dit is ook noodsaaklik vir die berging van kritieke mikro-minerale en die produksie van vitamiene (soos Vitamien A), wat alles direk bydra tot robuuste entstofreaksies.

Studies toon dat tydige behandeling met 'n Triclabendazole-gebaseerde middel die dier se immuunbevoegdheid herstel, wat die kwaliteit van die entstof-geïnduseerde beskerming terugbring na dieselfde vlakke as gesonde, onbesmette kontrolediere3.

Die Oplossing:
Strategiese lewerslakbeheer is 'n voorvereiste vir die bereiking van volgehoue, effektiewe kudde-immuniteit. Gebruik Flukazole C in jou bestuurstrategie voor verpligte BKS-inentings.

Flukazole C , bevat twee aktiewe - triklabendasool en oksfendasool - wat ‘n sinergistiese aksie het. Hierdie sinergistiese aksie is in proewe bewys om meer doeltreffende beheer van veral die vroeë-onvolwasse stadium van lewerslak (wanneer dit die lewer binnedring) te bied. Dit maak Flukazole C dus die ideale middel om in hierdie omstandighede te gebruik. (Nota: nie alle middels wat twee aktiewe bestandele bevat verseker sinergisme nie).

Verseker optimale lewergesondheid en waarborg ware kudde-immuniteit deur Flukazole C 'n strategiese deel van jou voorinentingsprotokol te maak.

Verwysings:

1. Costa, M., Mansilla, F., Sala, J. M., Saravia, A., Ubios, D., Lores, P., Capozzo, A. V., & Freire, T. (2024). Fasciola hepatica infection modifies IgG1 specific immune response to foot-and-mouth disease virus induced by vaccination. Vaccine, 42: 541-547
2. Sala, J. M., Wilda, M., Miraglia, M. C., Castillo, M., Pérez-Filgueira, D. M., Freire, T., & Capozzo, A. V. (2025). Field Evidence of Fasciola hepatica-Mediated Modulation of Antibody Responses to Foot-and-Mouth Disease Vaccination in Buffaloes. Vaccines, 14(1): 36
3. Rodríguez, C., Parodi, P., Menchaca, A., Saravia, A., Wilda, M., Capozzo, A. V., & Freire, T. (2026). Impact of Fasciola hepatica infection and triclabendazole treatment on the quality of the immune response to foot and mouth disease vaccination in cattle. WBC2026 Abstract 0161