Voorlam spoormineraalaanvulling
Laatdragtige ooie het verhoogde spoormineraalbehoeftes. Hulle benodig nie net voedingstowwe om hul eie liggaamsfunksies te handhaaf nie, maar moet ook voedingstowwe verskaf aan hul vinnig-ontwikkelende fetus(se).
Dit word vererger deur verminderde voerinname, veral by ooie wat tweelinge dra. Enige verswakking van die immuunstelsel wat veroorsaak word deur onvoldoende voeding, omgewingstoestande of fisiologiese stres, verhoog die dier se risiko vir siektes. Terwyl kliniese simptome duidelike tekens van siekte is wat tot sterftes kan lei, kan selfs subkliniese (nie-sigbare) siekte aansienlike produksieverliese veroorsaak deur verminderde vrugbaarheid, melkproduksie of gewigsverliese.
Boeta Wessels van Weska Dohnes gebruik Multimin sedert 1994 met groot sukses in sy skaapkudde. Hy boer in die Bredasdorp-omgewing, wat berug is vir spoormineraaltekorte.
Die ‘Op Top’ van noodsaaklike spoorminerale 4 tot 6 weke voor lam help om die gesondheid van ooie en lammers te handhaaf. By ooie kan dit help om die voorkoms van voetabsesse, mankheid, mastitis, vassit nageboorte en metritis te verminder, wat als 'n negatiewe impak op daaropvolgende bevrugtingsyfers kan hê. Met korrekte voeding en die toediening van Multimin aan die ooi voor lam, sal dit sorg dat die lam met optimale vlakke van spoorminerale gebore word, en dus help dit om oorlewingsyfers en groei te verhoog.
Een van die maklikste maniere om die immuunstelsel 'n hupstoot te gee, is om te verseker dat laatdragtige ooie 'n vinnig-geabsorbeerde 'aanvulling' van noodsaaklike spoorminerale ontvang. Multimin maak jou skape 'prestasiegereed' deur al drie dele van die immuunstelsel te versterk (fisies, byvoorbeeld integriteit van die vel en kloue; nie-spesifieke immuunrespons, byvoorbeeld teenliggame verwerf by geboorte deur die inname van biesmelk; en spesifieke immuunrespons, byvoorbeeld immuniteit verkry vanaf inentings).
